(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 234

॥ శ్రీః ॥
1.234. అధ్యాయః 234
Mahabharata - Adi Parva - Chapter Topics
బ్రాహ్మణైః సహ తీర్థాన్యటతోఽర్జునస్య స్నానార్థం గంగాయామవతరణం॥ 1 ॥
తత్ర ఉలూప్యా నాగకన్యయా గృహీతస్యార్జునస్య నాగలోకగమనం॥ 2 ॥
సంవాదపూర్వకములూప్యాః పరిగ్రహః॥ 3 ॥
ఇరావత ఉత్పత్తిః॥ 4 ॥
అర్జునం పునర్గంగాద్వారముపనీయ ఉలూప్యా స్వలోకగమనం॥ 5 ॥
Mahabharata - Adi Parva - Chapter Text

వైశంపాయన ఉవాచ। 1-234-0x(1268)(10140)
తం ప్రయాంతం మహాబాహుం కౌరవాణాం యశస్కరం।
అనుజగ్ముర్మహాత్మానో బ్రాహ్మణా వేదపారగాః॥ 1-234-1(10141)
వేదవేదాంగవిద్వాసస్తథైవాధ్యాత్మచింతకాః।
భైక్షాశ్చ భగవద్భక్తాః సూతాః పౌరాణికాశ్చ యే॥ 1-234-2(10142)
కథకాశ్చాపరే రాజఞ్శ్రమణాశ్చ వనౌకసః।
దివ్యాఖ్యానాని యే చాపి పఠంతి మధురం ద్విజాః॥ 1-234-3(10143)
ఏతైశ్చాన్యైశ్చ బహుభిః సహాయైః పాండునందనః।
వృతః శ్లక్ష్ణకథైః ప్రాయాన్మరుద్భిరివ వాసవః॥ 1-234-4(10144)
రమణీయాని చిత్రాణి వనాని చ సరాంసి చ।
సరితః సాగరాంశ్చైవ దేశానపి చ భారత॥ 1-234-5(10145)
పుణ్యాన్యపి చ తీర్థాని దదర్శ భరతర్షభః।
స గంగాద్వారమాశ్రిత్య నివేశమకరోత్ప్రభుః॥ 1-234-6(10146)
తత్ర తస్యాద్భుతం కర్మ శృణు త్వం జనమేజయ।
కృతవాన్యద్విశుద్ధాత్మా పాండూనాం ప్రవరో హి సః॥ 1-234-7(10147)
నివిష్టే తత్ర కౌంతేయే బ్రాహ్మణేషు చ భారత।
అగ్నిహోత్రాణి విప్రాస్తే ప్రాదుశ్చక్రురనేకశః॥ 1-234-8(10148)
తేషు ప్రబోధ్యమానేషు జ్వలితేషు హుతేషు చ।
కృతపుష్పోపహారేషు తీరాంతరగతేషు చ॥ 1-234-9(10149)
కృతాభిషేకైర్విద్వద్భిర్నియతైః సత్పథే స్థితైః।
శుశుభేఽతీవ తద్రాజన్గంగాద్వారం మహాత్మభిః॥ 1-234-10(10150)
తథా పర్యాకులే తస్మిన్నివేశే పాండవర్షభః।
అభిషేకాయ కౌంతేయో గంగామవతతార హ॥ 1-234-11(10151)
తత్రాభిషేకం కృత్వా స తర్పయిత్వా పితామహాన్।
ఉత్తితీర్షుర్జలాద్రాజన్నగ్నికార్యచికీర్షయా॥ 1-234-12(10152)
అపకృష్టో మహాబాహుర్నాగరాజస్య కన్యయా।
అంతర్జలే మహారాజ ఉలూప్యా కామయానయా॥ 1-234-13(10153)
దదర్శ పాండవస్తత్ర పావకం సుసమాహితః।
కౌరవ్యస్యాథ నాగస్య భవనే పరమార్చితే॥ 1-234-14(10154)
తత్రాగ్నికార్యం కృతవాన్కుంతీపుత్రో ధనంజయః।
అశంకమానేన హుతస్తేనాతుష్యద్ధుతాశనః॥ 1-234-15(10155)
అగ్నికార్యం స కృత్వా తు నాగరాజసుతాం తదా।
ప్రసహన్నివ కౌంతేయ ఇదం వచనమబ్రవీత్॥ 1-234-16(10156)
కిమిదం సాహసం భీరు కృతవత్యసి భామిని।
కశ్చాయం సుభగే దేశః కా చ త్వం కస్య వాత్మజా॥ 1-234-17(10157)
ఉలూప్యువాచ। 1-234-18x(1269)
ఐరావతకులే జాతః కౌరవ్యో నామ పన్నగః।
తస్యాస్మి దుహితా రాజన్నులూపీ నామ పన్నగీ॥ 1-234-18(10158)
సాఽహం త్వామభిషేకార్థమవతీర్ణం సముద్గాం।
దృష్ట్వైవ పురుషవ్యాఘ్ర కందర్పేణాభిమూర్చ్ఛితా॥ 1-234-19(10159)
తాం మామనంగగ్లపితాం త్వత్కృతే కురునందన।
అనన్యాం నందయస్వాద్య ప్రదానేనాత్మనోఽనఘ॥ 1-234-20(10160)
అర్జున ఉవాచ। 1-234-21x(1270)
బ్రహ్మచర్యమిదం భద్రే మమ ద్వాదశమాసికం।
ధర్మరాజేన చాదిష్టం నాహమస్మి స్వయం వశః॥ 1-234-21(10161)
తవ చాపి ప్రియం కర్తుమిచ్ఛామి జలచారిణి।
అనృతం నోక్తపూర్వం చ మయా కించన కర్హిచిత్॥ 1-234-22(10162)
కథం చ నానృతం మే స్యాత్తవ చాపి ప్రియం భవేత్।
న చ పీడ్యేత మే ధర్మస్తథా కుర్యా భుజంగమే॥ 1-234-23(10163)
ఉలూప్యువాచ। 1-234-24x(1271)
జానాంయహం పాండవేయ యథా చరసి మేదినీం।
యథా చ తే బ్రహ్మచర్యమిదమాదిష్టవాన్గురుః॥ 1-234-24(10164)
పరస్పరం వర్తమానాంద్రుపదస్యాత్మజాం ప్రతి।
యో నోఽనుప్రవిశేన్మోహాత్స వై ద్వాదశమాసికం॥ 1-234-25(10165)
వనే చరేద్బ్రహ్మచర్యమితి వః సమయః కృతః।
తదిదం దౌపదీహేతోరన్యోన్యస్య ప్రవాసనం॥ 1-234-26(10166)
కృతవాంస్తత్ర ధర్మార్థమత్ర ధర్మో న దుష్యతి।
పరిత్రాణం చ కర్తవ్యమార్తానాం పృథులోచన॥ 1-234-27(10167)
కృత్వా మమ పరిత్రాణం తవ ధర్మో న లుప్యతే।
యది వాప్యస్య ధర్మస్య సూక్ష్మోఽపి స్యాద్వ్యతిక్రమః॥ 1-234-28(10168)
స చ తే ధర్మ ఏవ స్యాద్దత్వా ప్రాణాన్మమార్జున।
భక్తాం చ భజ మాం పార్థ సతామేతన్మతం ప్రభో॥ 1-234-29(10169)
న కరిష్యసి చేదేవం మృతాం మాముపధారయ।
ప్రాణదానాన్మహాబాహో చర ధర్మమనుత్తమం॥ 1-234-30(10170)
శరణం చ ప్రపన్నాస్మి త్వామద్య పురుషోత్తమ।
దీనాననాథాన్కౌంతేయ పరిరక్షసి నిత్యశః॥ 1-234-31(10171)
సాఽహం శఱణమభ్యేమి రోరవీమి చ దుఃఖితా।
యాచే త్వాం చాభికామాహం తస్మాత్కురు మమ ప్రియం।
స త్వమాత్మప్రదానేన సకామాం కర్తుమర్హసి॥ 1-234-32(10172)
వైశంపాయన ఉవాచ। 1-234-33x(1272)
ఏవముక్తస్తు కౌంతేయః పన్నగేశ్వరకన్యయా।
కృతవాంస్తత్తథా సర్వం ధర్మముద్దిశ్య కారణం॥ 1-234-33(10173)
స నాగభవనే రాత్రిం తాముషిత్వా ప్రతాపవాన్।
`పుత్రముత్పాదయామాస స తస్యాం సుమనోహరం॥ 1-234-34(10174)
ఇరావంతం మహాభాగం మహాబలపరాక్రమం।'
ఉదితేఽభ్యుత్థితః సూర్యే కౌరవ్యస్య నివేశనాత్॥ 1-234-35(10175)
ఆగతస్తు పునస్తత్ర గంగాద్వారం తయా సహ।
పరిత్యజ్య గతా సాధ్వీ ఉలూపీ నిజమందిరం॥ 1-234-36(10176)
దత్త్వా వరమజేయత్వం జలే సర్వత్ర భారత।
సాధ్యా జలచరాః సర్వే భవిష్యంతి న సంశయః॥ ॥ 1-234-37(10177)

ఇతి శ్రీమన్మహాభారతే ఆదిపర్వణి అర్జునవనవాసపర్వణి చతుస్త్రింశదధికద్విశతతమోఽధ్యాయః॥ 234 ॥

Mahabharata - Adi Parva - Chapter Footnotes
1-234-36 పరిష్వజ్యేతి ఖ. పాఠః॥ చతుస్త్రింశదధికద్విశతతమోఽధ్యాయః॥ 234 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.